میاں طارق محمود کی تحریک التواء پر دیہہ آسائش چارگاہ پر پنجا ب اسمبلی میں بحث آئندہ ہفتے شروع ہو گی

ڈنگہ(سٹاف رپورٹر)مسلم لیگی راہنما اور ایم پی اے میاں طارق محمود نے دیہات ٹائمز سے گفتگو کرتے ہوئے بتایا کہ انہوں نے دیہہ آسائش چارگاہ پر بااثر افراد کے غیر قا نونی قبضہ کے خلاف پنجاب اسمبلی میں تحریک التواء پیش کی تھی،پوائنٹ آف آرڈر پر میں نے ہاؤس کو بتایا کہ22سو کنال قیمتی زمین کو مبینہ طور پر ناجائز طور پر اپنے نام انتقال کروا لیا گیا جس کا انتقالڈی ڈی او آرگجرات نے منسوخ قرار دیا مگر چند رزبعد اسے دوبارہ بحال کر دیا گیا اس رقبہ سے400کنال اراضی غیر کاشتکاروں کی ہے جبکہ ایک کاشتکار نے حق نہ رکھنے کے باوجود16ایکڑزمین کا انتقال کروا کر فروخت کی جن کی اپنی ذاتی ملکیت اتنی نہیں تھی،اس پر صوبائی وزیر قانون و پارلیمانی امور رانا ثناء اللہ نے ایک ہفتہ کے اندر پنجاب ریونیو ڈیپارٹمنٹ سے مکمل کوائف اور رپورٹ طلب کی ہے جس پر آئندہ ہفتے باقاعدہ بحث ہو گی،میاں طارق محمود نے کہا کہ میری کسی سے کوئی ذاتی مخالفت نہیں ہے لیکن علاقہ اور ڈنگہ کے عوام نے پانچ سے زائد بار مجھ اور میرے اہل خاندان پر اعتماد کیا بطور عوامی نمائندہ میرا حق بنتا ہے کہ عوامی مفاد عامہ کی زمین کو ناجائز قابضین سے چھڑا کر اس پرسکول،پارک ،ہسپتال بناؤں گا،انہوں نے کہا کہ میں نے جو قدم اٹھایا پھر مڑ کر نہیں دیکھا رندھیر میں اسی نوع کی مشترکہ زمین پر ہسپتال،چکوڑی بھلیوال میں سکول بنایا جبکہ تریڑانوالہ میں بھی سکول بنارہا ہوں یہ زمینیں سوائے جھگڑوں کے کچھ نہیں دیتیں،اس لئے ان پر مشترکہ مفادات کے منصوبے تعمیر کروانا چاہیں،انہوں نے اس عزم کا اظہا رکیا کہ میں اسمبلی میں موجودہ قبضہ کو غلط ثابت کروں گا۔

نور جمال کے رہائشی مقتولین کے پھوپھا اورنگزیب نے جائیداد کے تنازع پر دو پھول مسل دیئے

ڈنگہ(محمد بلا ل احمد بٹ)جائیداد کے تنازع پر نور جمال کے فرعون نے دو پھول جیسے بہن بھائی قتل کر دیئے،تفصیل کے مطابق گذشتہ روز تھانہ رحمانیہ کے گاؤں ماجرہ کے رہائشی دو طالب علم بہن بھائی12سالہ عدنان اسحاق اور 8سالہ صوفیہ اسحاق سکول سے چھٹی کے بعد گھر نہ آئے،بچوں کو سکول سے لانے والے ڈرائیور نے بتایا کہ دونوں بہن بھائی اپنے ماموں کے ساتھ چلے گئے ہیں دوسرے دن نورجمال کے اورنگ زیب ولد رحمت خاں جو کہ بچوں کا پھوپھا لگتا ہے نے فون کر کے بچوں کی والدہ کو اطلاع کی کہ عدنان کی نعش نور جمال کے قریب کھیتوں میں پڑی ہے مقتول بچوں کے ماموں مبشر حسین کی درخواست پر مشکوک خیال کرتے ہوئے اورنگ زیب کو تھانہ رحمانیہ پولیس نے حراست میں لے کر تفتیش کی ملزم نے اقبال جرم کرتے ہوئے بتایا کہ میں نے ہی دونوں بہن بھائی کو قتل کیا ہے اور8سالہ ننھی صوفیہ کی نعش بھی میرے ڈیرے پر دفن ہے،کیس کی تفتیش کرنے والے سب انسپکٹر مشتاق احمد نے بتایا کہ ملزم نے جائیداد کیلئے بچوں کو بے دردی سے قتل کیا ہے تاہم یہ ابتدائی تفتیش ہے ،مزید تفتیش جاری ہے کہ ملزم کے ساتھ کوئی اور بھی ہے،بچوں کا والد اسحاق سپین مقیم تھا اور اس نے اپنے بہنوئی اورنگ زیب کو بھی اپنے پاس سپین بلایا تھا،قبل ازیں بچے اور ان کے والدہ بھی سپین گئے تھے جبکہ مقتول بچوں کا والد محمد اسحاق ان دنوں انگلینڈ مقیم ہے۔

مغوی طالب علم کی لاش نور جمال سے مل گئی بہن لاپتہ

ڈنگہ(کرائم رپورٹر)دو روز قبل اغواء ہونے والے طالب علم بہن بھائی میں سے دس سالہ عدنان کی لاش نور جمال کے قریب مل گئی،بہن بدستور لاپتہ ہے گجرات کے تھانہ رحمانیہ کے قریب گاؤں گدیاں کے رہائشی اسپین مقیم چوہدری اسحاق گجر کے دس سالہ بیٹے عدنان اسحاق اور8سالہ بیٹی صوفیہ کو جلیانی کے قریب چھنہ چوک سے نامعلوم کار سواروں نے اغواء کرلیا تھا،عدنان کی لاش گذشتہ روز نور جمال کے قریب نالہ کے پاس مل گئی،جسے چہرے پر ٹوکے کے وار کر کے بے دردی سے مسخ کیا گیا تھا جبکہ بہن صوفیہ کا تاحال کوئی سراغ نہیں مل سکا،دونوں کے بارے میں ان کے ڈرائیور نے بتایا کہ چھٹی کے بعد میں نے ان کو گاڑی میں بیٹھنے کو کہا تو عدنان نے کہا کہ آج ان کو لینے ماموں آرہے ہیں وہ ان کے ساتھ جائیں گے،شام تک دونوں واپس نہ آئے تو والدین نے قریبی تھانے اور عزیز و اقارب کو اطلاع دی دوسرے روز اسحاق گجر کے ننھیال نور جمال سے اورنگزیب نامی نوجوان نے اطلاع دی کہ عدنان کی لاش نور جمال کھیتوں میں پڑی ہے اور اس نے شناخت کر لی ہے جس پر حالات و واقعات مشکوک ہونے پر پولیس نے اورنگزیب اور اس کے والد کو ماموں مبشر کی درخواست پر گرفتار کر لیا ہے ڈی ایس پی منور بھٹی نے بتایا کہ انہیں ابتدائی معلومات ملی ہیں تاہم ابھی تک اغواء کار کا پتہ نہیں ملا تاہم پولیس24گھنٹوں میں ملزمان کو گرفتار کر لے گی،مقتول عدنان کے ماموں مبشر نے بتایا کہ چند روز بعد دونوں بچے اپنی والدہ کے ساتھ اپنے والد کے پاس اسپین جانے والے تھے،مقتول عدنان کی والدہ نے شبہ ظاہر کیا ہے کہ بچوں کو اسحاق کے ننھیال میں سے کسی نے اغواء کیا ہے۔

پی کیو آرڈپٹی ڈسٹرکٹ کمانڈراختر علی ساغر کے والد سینکڑوں سوگواروں کی موجودگی میں سپرد خاک

ڈنگہ(رانا قاسم حسنین)ڈپٹی ڈسٹرکٹ کمانڈر پی کیو آر ضلع گجرات اختر علی ساغر ،ارشد علی مغل،مغضنفر علی مغل کے والد حاجی احمد حسین اور محمد اسلم مغل کے بھائی محمد حسین سیکریالی والے مختصر علالت کے عد انتقال کر گئے،نماز جنازہ قبرستان سکندر شاہ میں ادا کرنے کے بعد میں سپر دخاک،ختم قل مسجد صدیقیہ محلہ مغل پورہ میں ادا کیا گیا نماز جنازہ میں ختم قل اور دعائے مغفرت میں سینکڑوں افاد نے شرکت کی،نمایاں شخصیات میں ایڈیشنل ایس پی ہیڈ کواٹر گجرات راجہ حفیظ،ڈی ایس پی گجرات غلام مصطفی گیلانی،چیف سیکورٹی آفیسرگجرات ناصر احمد،ناظم ڈنگہ ون الحاج محمدصادق بٹ،نائب ناظم ڈنگہ ون مظہر نور ایڈووکیٹ،نائب ناظم ڈنگہ و صدر تحصیل پریس کلب کھاریاں محمد حنیف طاہر،ایڈیٹر دیہات ٹائمز الطاف حسن طاہر،نائب ناظم یو سی سیکریالی معمر لطیف، سب انسپکٹر سید سجاد حسین شاہ،سب انسپکٹر غالب حسین،ممتاز تاجران حاجی چوہدری محمد اقبال منج،خادم حسین منج،چوہدری مناسب چوہدری،میاں امجد محمود،چوہدری ریاست چوہان آف سیکریالی،کونسلر محمد امین آف سیکریالی،کونسلر شیخ رستم علی،کونسلر شفیق احمد کھوکھر ،قاری محمد رمضان سیالوی،قاری محمد یعقوب نقشبندی،حاجی محمد یونس ڈھنڈالہ،حکیم محمد افضل رضا قادری،ڈاکٹر محمداسلم،چوہدری فاروق ہیڈ کانسٹیبل،چوہدری عنصر وڑائچ ہیڈ کانسٹیبل،چوہدری نوازش ہیڈ کانسٹیبل،سید سجاد حسین شاہ بخاری،مرزا ریاض حسین،حاجی خالد محمود ٹینٹ والے،صحافی نثار احمدمغل،محمد شریف چشتی،محمد بلال احمد بٹ،تاجر قدیر احمد مدنی،سیکرٹری یو سی کولیاں شاہ حسین گلشاد احمد سیکرٹری یو سی ڈنگہ ٹو محمداصغر بٹ،سابق کونسلر راجہ خالد پرویز،تاجر راجہ اختر حسین،چوہدری پرویز آف مٹوانوالہ،سہیل ریاض مرزا،شہزاد ریاض مرزا،منشی ضمیر محمود،محمد حنیف مغل،محمد افضل کپڑے والے،عبداللہ سیکریالی،مہر مشتاق احمد لائٹ والے ،ہیڈماسٹر مسعود عالم خاکسار،تاجر محمد نعیم ڈار،مہر مختار الحق،عبدالمجید پپو،چوہدری محمد افضل بلہڑ،چوہدری محمد اکرم گادھی،حاجی نذیر منہاس،میاں مسعود احمد،میاں شفقات احمد،سید نوازش علی شاہ شامل تھے سینکڑوں افراد نے بیرون ملک سے فون پر اختر علی ساغر سے تعزیت کی۔

مرزا محمد سلیم مرزا محمد نعیم کی ہمشیرہ کا ختم چہلم،نمایاں افراد نے شرکت کی

ڈنگہ(محمد بلال احمد بٹ)آواز گروپ آف ریڈیوز کے چیف ایگزیکٹو انجینئر مرزا محمد نعیم،کینیڈا میں مقیم انجینئر مرزا محمد سلیم کی ہمشیرہ،مرزا محمد رشید کی اہلیہ،مرزا ریاض حسین کی کزن ،مرزا عثمان علی،مرزا عمران علی،مرزا سلمان علی کی والدہ کا ختم قل محلہ آہیراں میں ادا کیا گیا،جس میں سینکڑوں افراد نے شرکت کی،نمایاں افراد میں ناظم ڈنگہ ون الحاج محمدصادق بٹ،ناظم ڈنگہ ٹو محمد حبیب بسوی،سابق چیئر مین بلدیہ ڈنگہ میاں امجد محمود،سابق چیئر مین بلدیہ میاں محمد اسلم،سابق کونسلر میاں مظہر اقبال،کونسلر محمد شبیر مغل،سابق کونسلر مرزا فضل دین مغل،تاجر مرزا ریاض حسین،مرزا منظور حسین،خان محمد نواز،شہباز نصیر،حکیم افضل رضا قادری،باؤ محمد افضل کپڑے والے،ایڈیٹر دیہات ٹائمز الطاف حسن طاہر،جنرل سیکرٹری بزم عاشقان مصطفی ڈنگہ افضال محمود بٹ ،صحافی میاں محمد اشرف انصاری،محمد حنیف مغل،مستری لیاقت علی،ملک محمد سلیم ٹینٹ سروس والے،مرزا کلیم اللہ ریڈیو105گجرات،جاوید اقبال بٹ،قاری محمد رمضان نقشبندی،قاری محمد یعقوب نقشبندی،اسجد شہباز،محمد اسلم جھٹکہ،وحید احمد شاکر،محمد سرور جوڑا شامل تھے۔

چوہدری ریاست آف بھاگو کے قاتل کو سزائے موت کی سزا سنا دی گئی

ڈنگہ(محمد بلا ل احمد بٹ)ایڈیشنل سیشن جج کھاریاں چوہدری محمد یوسف اوجلہ نے چوہدری ریاست علی آف بھاگو کے مقدمہ قتل میں محمد یوسف کو سزائے موت اور بیس لاکھ جرمانہ کی سزا سنا دی،جبکہ باقی ملزمان کو شک کا فائدہ دے کر بری کر دیا ہے تفصیل کے مطابق17مئی2006ء کو مشہور شخصیت چوہدری ریاست علی آف بھاگو اپنی گاڑی پر برنالی جا رہے تھے کہ نونانوالی کے قریب کار میں پیچھا کرنے والے مخالفین نے اندھا دھند فائرنگ کرکے قتل کر دیا،تھانہ کھاریاں نے مقتول کے بیٹے ثاقب ضیاء کی درخواست پر 11افراد کے خلاف مقدمہ درج کرلیا،ایڈیشنل سیشن جج کھاریاں نے ملزمان تنویر احمد ،محمد اکبر سمیت7ملزمان کو شک کافائدہ دے کر بری کر دیا ہے جبکہ عمران،کامران اور محمد اشرف تین ملزمان تاحال عدالتی اشتہاری ہیں،عدالت نے ایک ملزم محمد یوسف کو سزائے موت اور بیس لاکھ جرمانہ کی سزا سنا دی ہے۔

چوہدری خالد محمود کے14سالہ بیٹے اویس خالد کی نماز جنازہ میں پورا علاقہ امڈ آیا

ڈنگہ(محمد بلال احمد بٹ)ایم ڈی طارق بیکرز اینڈ سویٹس ڈنگہ کونسلر امرہ کلاں چوہدری بلقیس احمد کے پوتے اسپین میں مقیم چوہدری خالد محمود کے14سالہ بیٹے اویس خالد کی نماز جنازہ میں پورا علاقہ امڈ آیا،قبل ازین جب اسپین کی پاکستان کمیونٹی میں مقبول14سالہ اویس خالد کی میت امرہ کلاں پہنچی تو لوگ چوہدری بلقیس احمد اور چوہدری خالد محمود کے گلے لگ کر دھاڑیں مار مار کر روتے رہے،یاد رہے کہ چوہدری بلقیس احمد نے دو سال قبل جواں سال بیٹے چوہدری طارق کی وفات کا صدمہ بھی اٹھا یا تھا،نماز جنازہ اور ختم قل میں پورا علاقہ امڈ آیا،ہزاروں افراد نے شرکت کی،نمایاں شخصیا ت میں صدر پی پی پی ضلع گجرات چوہدری طاہر زمان کائرہ،تحصیل ناظم کھاریاں ندیم اصغرکائرہ،میاں امجد حیات،میاں سلیمان حیات آف کولیاں شاہ حسین،سابق امیدوار صوبائی اسمبلی چوہدری جعفر اقبال،چوہدری نصر اللہ کائرہ،سابق امیدوار صوبائی اسمبلی میاں خالد رفیق آف سیکریالی،سابق چیئر مین بلدیہ ڈنگہ میاں امجد محمود،سابق چیئر مین بلدیہ میاں محمد اسلم،ناظم ڈنگہ ون الحاج محمد صادق بٹ،ناظم امرہ کلاں امتیاز احمد ایڈووکیٹ،سابق ناظم مسلم لیگ ق کے راہنما چوہدری اخلاق احمد آف رنیاں،سابق کونسلر تحصیل کونسل،میاں ادریس احمد نمبردار بیکنانوالہ،صدر تحصیل پریس کلب و نائب ناظم محمد حنیف طاہر،نائب ناظم کامران منظور،نائب ناظم چوہدری مختار احمد آف بھلیسرانوالہ،سابق وائس چیئر مین ڈنگہ چوہدری محمد اسلم،سابق امیدوار صوبائی اسمبلی چوہدری محمد اسلم فتہ بھنڈ،ایم ڈی عامر جاوید کمپلیکس چوہدری جاوید اقبال،چوہدری محمد ارشد آف امرہ خورد،چوہدری ناصر محمو د آف امرہ کلاں،پیر مصور حسین امرہ کلاں،چوہدری منیر سلطان کھاریاں،ظفر اقبال سپین،میاں خادم حسین ڈنگہ،چوہدری زاہد لطیف انگلینڈ،چوہدری احمد خاں آف کمالہ،ڈاکٹر میاں واجد حسین،ڈپٹی ڈسٹرکٹ ہیلتھ آفیسر،صحافی الطاف حسن طاہر،نثار احمد مغل،ڈاکٹر غلام مصطفی آذر،خالد مغل،چوہدری ذوالفقار ،چوہدری اختر آف چیلیانوالہ،لالہ مشتاق احمد بٹ ڈنگہ،محمد اسلم بھٹی،عبدالرحمن پسوال،محمد اقبال منج،ڈاکٹر منور حسین،ہیڈماسٹر امرہ کلاں ہائی سکول مرزا محمد ظفر،سابق کونسلر ڈنگہ شیخ ؒخلیل حمد،میاں غفور پٹواری،چوہدری عنصر ایوب آف پنجن شہانہ شامل تھے،ہزاروں افراد نے ٹیلی فون پر ملک اور بیرون ملک سے تعزیت کی۔

چوہدری غضنفرکے بھائی چوہدری نصر اقبال آف حاجی چک رشتہ ازدواج میں منسلک

کراڑی والا(محمد بلا ل احمد بٹ)نائب ناظم یو سی نونانوالی چوہدری غضنفر علی آف حاجی چک کے بھائی چوہدری نصر اقبال رشتہ ازدواج سے منسلک ہو گئےجبکہ دعوت ولیمہ کا اہتمام پیراڈائز ریسٹورنٹ ڈنگہ می دیا گیا،جس میں حاجی چک ،نونانوالی،کراڑی والا،اتووالہ ڈنگہ سمیت علاقہ بھر سے ممتاز سیاسی و سماجی شخصیات نے کثیر تعداد میں شرکت کی۔

ایگزیکٹو ایڈیٹر دیہات ٹائمز رانا قاسم حسین علی کے ہم زلف انتقال کر گئے

ڈنگہ(محمد بلال احمد بٹ)ایگزیکٹو ایڈیٹر دیہات ٹائمز،ممتاز تاجر ایم ڈی رانا قاسم جیولرز ،نائب صدر ڈنگہ پریس کلب (رجسٹرڈ)رانا قاسم حسنین علی کے ہم زلف ،رانا حاکم علی صراف کے بیٹے حاجی محمد انور،رانا آصف،رانا عدنان،رانا حنیف کے بھائی،رانا بلاول،رانا بلال کے والد عدنان جیولرز میاں کالونی فیصل آباد کے مالک رانا محمداشرف کو فیصل آباد میں سپرد خاک کر دیا گیا وہ دل کا دورہ پڑنے سے انتقال کر گئے تھے ڈنگہ کی صراف برادری کے سینکڑوں خواتین و حضرات نے فیصل آباد جا کر نماز جنازہ میں شرکت کرنے کے علاوہ رانا قاسم حسنین علی اور رانا حاجی محمد انور سے اظہار تعزیت کیا،ڈنگہ پریس کلب اور دیہات ٹائمز کا رانا قاسم حسنین علی سے ہم زلف کی وفات پر دلی اظہار الم کیا۔

ڈنگہ،نوبیاہتا25سالہ نوجوان گردے فیل ہونے سے جاں بحق

ڈنگہ(رانا قاسم حسین علی سے)نوبیاہتا25سالہ نوجوان گردے فیل ہو جانے سے جاں بحق ہو گیا،تفصیلات کے مطابق محلہ چوہاناں کے دلاور حسین ولد خادم حسین ماچھی کی شادی8ماہ قبل ہوئی جبکہ وہ سات ماہ سے گردوں کی بیماری میں مبتلا تھا گذشتہ روز انتقال کر گیا،نماز جنازہ قبرستان کشمیریاں میں ہوئی وہیں سپرد خاک،محلہ میں جواں سال مرگ سے سوگ طاری ہو گیا۔

سابق لیڈی کونسلر رسول بی بی انتقال کر گئیں

ڈنگہ(محمد بلال احمد بٹ)ڈنگہ کی معروف شخصیات چوہدری محمد انور ملہوانہ ہیڈ ڈرافسٹمین ایکسئین دفتر واپڈا کھاریاں،چوہدری محمد سرور ملہوانہ سیکرٹری کی والدہ محترمہ اور سابق کونسلر ڈنگہ مہر محمد انور ناز کی پھوپھی جان ،سابق لیڈی جنرل کونسلر محترمہ رسول بی بی انتقال کر گئیں،انکی نماز جنازہ میں شرکت کرنے والوں میں چوہدری طارق ساہی ایکسئین واپڈا،میاں امجد محمود سابق چیئر مین بلدیہ ڈنگہ،الحاج محمد صادق بٹ ناظم ڈنگہ،محمد حبیب بسوی ناظم،محمد حنیف طاہر پارلیمانی لیڈر تحصیل کونسل کھاریاں،راشد ندیم ایس ڈی او ڈنگہ،محمد اسلم بسوی کونسلر و دیگر افراد نے شرکت کی۔